जनसम्पर्क विभाग ले कलाजत्था के माध्यम ले योजनामन के प्रचार-प्रसार
ग्रामीमन तक पहुँचत हे जनकल्याणकारी योजनामन के जानकारी
बलरामपुर, राज सरकार के महत्वाकांक्षी योजनामन ले ग्रामीण मन ला सीधे जोड़े बर गांव-गांव घुम-घुम के सरकार के योजनामन ला जन-जन तक पहुँचाय जावत हे। एही कड़ी मं जिला के ग्रामीण इलाका मं कला जत्था के माध्यम ले केंद्र अउ राज्य सरकार के महत्वाकांक्षी अउ जनकल्याणकारी योजनामन के प्रचार-प्रसार करे जावत हे। ओकर माध्यम ले जिला के विभिन ग्राम पंचायत मं कला जत्था दल के कलाकर मन रोचक ढंग ले सरकार के योजनामन के जानकारी देके लाेग ला फायदा लेय बर प्रेरित करथें।
एअंतर्गत जिला के विकासखंड राजपुर के ग्राम आरा, घटगांव, रेवतपुर, मरकाडांड, मुरका, करवां मं अउ विकासखंड बलरामपुर के ग्राम लुरगी मं कला जत्था दल पहुंच के सरकार के योजनामन के प्रचार-प्रसार करिस। संग-संग भारी संख्या मं ग्रामवासी मन नाच-नाटक के माध्यम ले योजना ऊपर दिखाय गे प्रस्तुति ला देखिन, जऊन ला देखके सबो मं भारी उत्साह दिख दिस।
जानकारी रहय के सरकार द्वारा संचालित जनकल्याणकारी योजनामन के व्यापक प्रचार-प्रसार कला जत्था के माध्यम ले सुरू करे गे हे। जऊन अब जिला के गांव-गांव जाके योजनामन के जानकारी दे बर सुदूर अंचल तक भ्रमण करही, ता कि योजनामन के जानकारी जन-जन तक पहुँच सकय।
Live Cricket Info
