बलरामपुर-रामानुजगंज म सुरू होइस डायल 112 सेवा
अब आपात स्थिति म 24 घंटा मिलही पुलिस के तुरते मदद ..
बलरामपुर-रामानुजगंज। जिला म आम जनता के सुरक्षा अउ आपातकालीन मदद बर डायल 112 सेवा के शुभारंभ कर दीस गे हे। पुलिस लाइन परेड ग्राउंड म आयोजित कार्यक्रम म प्रतापपुर विधायक शकुंतला पोर्ते ह 10 डायल 112 वाहन ला हरी झंडी दिखाके रवाना करिन।
कार्यक्रम म सरगुजा सांसद चितामणि महाराज ऑनलाइन वीडियो कॉन्फ्रेंसिंग के माध्यम ले जुड़के आम जनता ला संबोधित करिन।
पुलिस विभाग के मुताबिक अब सड़क दुर्घटना, चोरी, मारपीट, महिला सुरक्षा, घरेलू विवाद, एम्बुलेंस अउ फायर ब्रिगेड जइसन आपात स्थिति म आम लोग 112 म फोन करके तुरते मदद पा सकहीं। ये सेवा जिला भर म 24 घंटा चालू रहिही।
पुलिस अधीक्षक वैभव बैंकर ह बताइन के डायल 112 म सूचना मिलतेच पुलिस टीम तुरंत घटना स्थल पहुंचके सहायता देही। पुलिस विभाग ह जनता ले अपील घलो करे हे के फर्जी कॉल नइ करंव, ताकि जरूरतमंद मन ला समय म मदद मिल सकय।
कार्यक्रम म अतिरिक्त पुलिस अधीक्षक विश्व दीपक त्रिपाठी, जिला पंचायत सीईओ नयनतारा सिंह, डीएफओ आलोक बाजपेयी सहित कई जनप्रतिनिधि अउ पुलिस अधिकारी मौजूद रहिन।
Live Cricket Info
